» Volkswagen Polo и Touareg

Малиот Polo и големиот Touareg се подновија

Следејќи ги трендовите што сам ги наметна, Volkswagen ги поднови малиот Polo и големиот Touareg
Објавено на 20 септември 2014 година

 Volkswagen Polo

Ништо невообичаено, би рекле - тоа е нормален и редовен процес што секој го прави. Но, она што ги одвојува овие две вести од мноштвото слични други е тоа што Polo доби верзија моќна како Touareg, а Touareg, пак, мотор со кој троши како Polo.

Најновиот член на семејството на Polo традиционално ја носи ознаката GTi. За да ја заслужи, Volkswagen одреди дека ќе биде потребен 190-коњски турбо мотор од 1,8 литри. Овој нов агрегат, кој го заменува претходниот од 1,4 литри, спарен со шестстепен мануелен менувач го лансира Polo GTi до 100 km/h за 6,7 секунди и дотерува до респектабилни 236 km/h. За споредба, претходниот Polo GTi со 10 коњски сили помалку и DSG менувач забрзуваше за 6,9 секунди и постигнуваше 228 km/h.

Истовремено, Volkswagen се пофали дека на другиот крај на понудата, обновениот Touareg со 3,0 литарскиот TDi V6 мотор со 204 KS е способен да помине 100 km со само 6,6 литри гориво и да испушти во атмосферата 173 g/km CO₂. Во споредба со претходникот тоа значи помала потрошувачка за 0,4 литри и помала емисија за 11 g/km. Подобрувањата дури се и поголеми кај помоќните верзии на овој мотор, кои располагаат со 245, односно 262 коњски сили - заштедата се искачува на 0,6 l/100 km гориво. Обновениот Touareg ќе се најде во продажба оваа есен.

 Volkswagen Touareg

клучни зборови: новитети, Volkswagen

Гледај, слушај, уживај

  • Авто Магазин

    Сезона 22 Епизода 21

    повеќе

Видео на денот

  • Fisker EMotion

    Ех Тесла, Тесла…

    повеќе

Цени на горивата

еуросупер 95 65,50
еуросупер 98 67,00
еуродизел Д5 57,00
биодизел Б6 57,50
течен нафтен гас 32,00
метан 32,00

Фото галерии