» Годинава 270 милиони евра за патишта

Годинава 270 милиони евра за патишта

Објавено на 31 јануари 2018 година

Според програмата за модернизација на патната мрежа во Македонија, годинава е планирано инвестирање на околу 270 милиони евра во изградба, реконструкција и рехабилитација на преку 60 патни правци или 800 километри патна мрежа во државата. На поголем дел од нив веќе се работи, а меѓу позначајните проекти се издвојуваат продолжувањето на изградбата на автопатиштата Кичево-Охрид и Миладиновци-Штип, како рехабилитацијата на делниците Неготино-Демир Капија и Петровец-Катланово. Ќе бидат реконструирани и автопатските делници Миладиновци-Петровец, Хиподром-Петровец и Миладиновци-Хиподром, а таму каде нема ќе бидат изградени нови наплатни станици. Треба да започне реализирањето и на електронски систем за наплата на патарините на коридорот 10. Од експресните патишта ќе се работи на Штип-Кочани, Штип-Радовиш, Ранковце-Крива Паланка и Градско-Прилеп од Фаришка до Дреновска клисура. Од другите бројни зафати вреди да се споменат уште и рехабилитациите на делниците Берово-Струмица, Куманово-Свети Николе и Делчево-Кочани, чија обиколница ќе се реконструира. На Валандовско брдо ќе биде направена бавна лента, а и патните правци од граничните премини кои водат до Скопје, Струга, Струмица и Битола ќе бидат обновени.

клучни зборови: Македонија

Гледај, слушај, уживај

  • Авто Магазин

    Сезона 22 Епизода 21

    повеќе

Видео на денот

  • Fisker EMotion

    Ех Тесла, Тесла…

    повеќе

Цени на горивата

еуросупер 95 65,50
еуросупер 98 67,00
еуродизел Д5 57,00
биодизел Б6 57,50
течен нафтен гас 32,00
метан 32,00

Фото галерии