» Цените на горивата како на клацкалка

Цените на горивата како на клацкалка

Објавено на 5 февруари 2018 година

Комплицираниот механизам за пресметка на цените на горивата кај нас официјално наречен 'методологија' предизвика бензинот да поскапи, а дизелот да поевтини. Во известувањето на Регулаторната комисија за енергетика на Република Македонија како причини за ваквите спротивставени движење на цените на бензинот и дизелот се наведуваат просечната цена на суровата нафта која на светскиот пазар во изминатиот 14-то дневен период беше за 0,7% пониска, курсот на денарот во однос на доларот кој се намали за 1,28%, но и референтните цени на нафтените деривати на берзите - онаа на бензинот која порасна за 3,47% и на дизелот која е поголема за 0,68%. Сето ова придонесе за соодветно прилагодување во структурата на цените на нафтените деривати кое официјално е класифицирано како поевтинување бидејќи рафинериските цени се намалуваат во просек за 1,59%, а малопродажните за 1,21%.

Како и да е, од утре за литар еуросупер БС-95 бензин ќе плаќаме за 0,50 денари повеќе, односно по 68 денари, малопродажната цена на еуросупер БС-98 бензинот не се променува и понатаму ќе изнесува 69,50 денари, додека цената на Д-Е V еуродизелот се намалува за еден денар и ќе изнесува 59,50 денари.

клучни зборови: Македонија

Гледај, слушај, уживај

  • Авто Магазин

    Сезона 22 Епизода 21

    повеќе

Видео на денот

  • Fisker EMotion

    Ех Тесла, Тесла…

    повеќе

Цени на горивата

еуросупер 95 68,00
еуросупер 98 69,50
еуродизел Д5 59,50
биодизел Б6 60,00
течен нафтен гас 32,00
метан 32,00

Фото галерии